एकदाच धूर निघाला पाहिजे, हर हर महादेव; नीतेश राणे भडकले

मुंबई: छत्रपती संभाजी राजे यांच्या नावानं असलेल्या बिडीला भाजपचे आमदार यांनी तीव्र आक्षेप घेतला आहे. 'बिडीला संभाजी राजेंचं नाव देण्याचं धाडस महाराष्ट्रात होतं, इथेच आपण कमी पडलो,' अशी खंत नीतेश यांनी व्यक्त केली आहे. पुण्यातील एक कंपनी छत्रपती संभाजी महाराजांच्या नावाने बिडीचं उत्पादन करते. याबाबत अनेकदा आक्षेप नोंदवले गेले आहेत. मात्र, अद्याप त्यावर कोणतीही ठोस कारवाई झालेली नाही. आता पुन्हा एकदा हा मुद्दा समोर आला आहे. राष्ट्रवादी काँग्रेसचे आमदार यांनी काही दिवसांपूर्वी याबाबत ट्वीट केलं होतं. 'महापुरुषांच्या नावाचा असा गैरवापर करणं अक्षम्य चूक आहे. लोकभावनेचा विचार करून संबंधित कंपनीने छत्रपती संभाजी महाराजांच्या नावाचा गैरवापर तातडीने थांबवावा,' असं रोहित पवार यांनी म्हटलं होतं. त्यानंतर आता नीतेश राणे यांनी आपल्या तीव्र भावना व्यक्त केल्या आहेत. 'संभाजी राजेंचं नाव बिडीला देण्याचं धाडस आपल्या महाराष्ट्रात होतं, इथेच आपण कमी पडलो! आत्ताच यांची हिंमत मोडली नाही तर उद्या अजून वाढेल. एकदाच धूर निघाला पाहिजे. हर हर महादेव,' असं त्यांनी म्हटलं आहे. वाचा: