ऑनलाईन द्वेष पसरवणाऱ्यांना टाटांचा समंजस सल्ला

नवी दिल्ली : 'टाटा सन्स' (Tata Sons) या कंपनीचे अध्यक्ष आणि प्रसिद्ध उद्योगपती () यांनी आणि घृणा पसरवण्याचा प्रयत्न करणाऱ्यांना, ऑनलाईन धमक्या देणाऱ्यांना हे प्रकार थांवबवण्याचं आवाहन केलंय. ऑनलाईन ग्रुप एकमेकांसाठी हानिकारक ठरत असून एकमेकांचे पाय खेचण्याची त्यांच्यात स्पर्धा लागल्याचं रतन टाटा यांनी आपल्या पोस्टमध्ये नमूद केलंय. येणारं वर्ष हे आर्थिक आव्हानांचं असल्यानं सगळ्यांनी मिळून सकारात्मक पद्धतीनं या परिस्थितीला तोंड देण्याची आवश्यकता असल्याचा समंजस सल्लाही त्यांनी दिलाय. चालू वर्ष हे आव्हानांचे वर्ष आहे, असे सांगत ज्येष्ठ उद्योगपती रतन टाटा यांनी ऑनलाइन द्वेष पसरवणाऱ्यांना रविवारी चांगलेच खडे बोल सुनावले. एकमेकांवर ऑनलाइन दोषारोप करत उणीदुणी काढू नका, असा वडीलकीच्या नात्याने रतन टाटा यांनी असे करणाऱ्यांना खडसावले आहे. वाचा : वाचा : वाचा : 'इन्स्टाग्राम' या समाज माध्यमावर एका संदेशामध्ये टाटा म्हणतात, 'ऑनलाइन वावर असणाऱ्यांचा एका नवा समाज तयार होत आहे, मात्र या समाजामध्ये परस्पर सामंजस्याचा अभाव जाणवतोय. यावर्षी सर्वांपुढे अनेक आव्हाने उभी आहेत. अशा वेळी एकमेकांना धरून राहण्याऐवजी ऑनलाइन उपस्थिती असणारे लोक एकमेकांना घालून-पाडून बोलण्यातच धन्यता मानत आहेत. एकमेकांना समजून न घेता उगीचच एकमेकांविषयी मतं बनवून त्यांचा प्रचार करत आहेत. घाईघाईनं मतं तयार करणं, हे सर्वस्वी चूक आहे. सर्वांनी एकत्र यावं आणि एकमेकांना सहाय्य करत सर्वांनी पुढे जावं हेच हे वर्ष आपल्याला सांगत आहे' असंही रतन टाटा यांनी आपल्या पोस्टमध्ये म्हटलं आहे. सर्वांनी एकमेकांविषयी अधिक संवेदनशील राहावं, एकमेकांची काळजी करावी, एकमेकांना समजून घ्यावं आणि धीर धरावा, याकडेही त्यांनी लक्ष वेधलं. मी ऑनलाइन मंचांवर फार कमी असतो, असे सांगताना हा मंच म्हणजे कोणत्याही कारणाने का असेना, एकमेकांच्या मदतीचे स्थान होईल अशी आशा त्यांनी व्यक्त केली. वाचा: वाचा :