'बिहारी लोकांनी जंगलराज, डबल-डबल युवराजांना नाकारले आहे'

पाटणा: बिहार विधानसभा निवडणुकीतील (Bihar Assembly Election 2020) दुसऱ्या टप्प्यातील (2nd Phase voting) मतदान सुरू आहे. तर दुसरीकडे () फारबिसगंज येथे सभेत संबोधित करत आहेत. या नव्या दशकात बिहारला एका नव्या उंचीवर पोहोचवण्याचा संकल्प बिहारच्या पवित्र भूमीने केला आहे, असे सांगताना बिहारच्या लोकांनी जंगलराज आणि डबल-डबल युवराजांना पूर्णपणे नाकारले असल्याचे पंतप्रधान नरेंद्र मोदी म्हणाले. आज एनडीएच्या विरोधात जे लोक उभे आहेत, ते इतके सर्व खाल्ल्यानंतरही पुन्हा बिहारकडे लोभी नजरेनेच पाहत आहेत. मात्र बिहारच्या विकासासाठी कोण वचनबद्ध आहे, आणि कोण आपल्या कुटुंबाच्या विकासासाठी वचनबद्ध आहे हे बिहारचे लोक चांगलेच जाणून असल्याचे म्हणत त्यांनी विरोधकांना टोला लगावला आहे. 'बिहारमध्ये गुंडगिरीचा पराभव होत आहे. कायद्याचे राज्य आणणाऱ्यांचा विजय होत आहे' आज बिहारमध्ये अहंकाराचा पराजय होत आहे आणि परिश्रम पुन्हा विजयी होत आहे, असे मोदी म्हणाले. आज बिहारमध्ये घोटाळे पराभूत होत आहेत, लोकांचे हक्क विजयी होत आहे. आज बिहारमध्ये पुन्हा गुंडगिरी पराभूत होत आहे आणि कायद्याचे राज्य प्रस्थापित करणारे पुन्हा विजयी होत आहे. या लोकांनी निवडणूक म्हणजे एक गंम्मत बनवून ठेवली होती. यांच्यासाठी निवडणुकीचा अर्थ होता- चारही बाजूंना हिंसा, हत्या, बूथ कॅप्चरिंग. या लोकांनी बिहारच्या गरिब लोकांचा मतदानाचा हक्कच हिरावून घेतलेला होता. तेव्हा मतदान होतच नव्हते, ‘मत छीन लिया जाता था, वोट की लूट’ होत होती, गरिबांचे हक्क लुटले जात होते. बिहारमधील गरिबांना खऱ्या अर्थाने मतदानाचा हक्क एनडीएनेच मिळवून दिला, असे पंतप्रधान मोदी म्हणाले. करोनासारख्या कठीण काळात देखील इतक्या काळजीसह निवडणूक आयोगाने उत्तम प्रकारे निवडणूक घेतली, असे म्हणत पंतप्रधान मोदी यांनी निवडणूक आयोगाला शुभेच्छा दिल्या. मी बिहारच्या धरतीवरून निवडणूक आयोग, प्रशासनाचे कर्मचारी आणि सुरक्षादलाच्या जवानांचे अभिनंदन करत आहे, असे मोदी म्हणाले. क्लिक करा आणि वाचा- भाषणाची सुरुवात करताना मोदी म्हणाले, अररियासह पूर्णिया, किशनगंज आणि कटिहारसह अनेक जिल्ह्यांमधील लोक येथे उपस्थित आहेत. येथे उपस्थित असलेल्या लोकांपेक्षा अधिक लोक विविध ठिकाणी डिजिटल माध्यमातून या सभेला जोडले गेले आहेत. मी सर्वांना आदरपूर्वक नमन करतो. क्लिक करा आणि वाचा- क्लिक करा आणि वाचा-