ऊर्जामंत्री नितीन राऊत यांना आझमगड येथे पोलिसांनी घेतले ताब्यात

आझमगड: राज्याचे ऊर्जा मंत्री डॉ. नितीन राऊत (Dr. Nitin Raut) यांना उत्तर प्रदेशातील आझमगडच्या सीमेवर पोलिसांनी ताब्यात घेतले आहे. राऊत हे आझमगडमधील बांसा या गावात झाल्यानंतर बांसाच्या दौऱ्यावर होते. डॉ. राऊत यांनी स्वत: ट्विट करत ही महिती दिली आहे. डॉ. नितीन राऊत हे सीमेवर आल्यानंतर प्रथम पोलिसांनी त्यांची गाडी अडवली. मात्र, आपल्याला बांसा येथे जायचे आहे, असे राऊत यांनी पोलिसांना सांगितले आपण बांसा येते जाऊ शकणार नाही कारण तेथे आता कोणालाही जाण्याची परवानगी नसल्याचे पोलिसांनी डॉ. राऊत यांना सांगितले. त्यानंतर पोलिसांनी त्यांना जवळच्या गेस्ट हाऊसवर चलण्याची विनंती डॉ. राऊत यांना केली. मात्र आम्ही गेस्ट हाऊस येथे जाऊन का करणार, आम्हाला आमचे लोक ज्या ठिकाणी थांबलेत निदान तिथे तरी जाऊ द्यावे, अशी विनती राऊत यांच्या कार्यकर्त्यांनी पोलिसांना केली. 'आम्हाला वरून ऑर्डर आली तसे करणार' मात्र, पोलिसांनी ऊर्जामंत्री डॉ. राऊत यांना पुढे जाऊ दिले नाही. आपण सांगत आहात त्या वेगळ्या ठिकाणी आपल्याला जाता येणार ृ, तर आम्ही सांगतो त्या गेस्ट हाऊस येथे कृपया चलावे अशी विनंती पोलिसांनी त्याना केली. आम्हाला वरून ऑर्डर आली आहे त्या प्रमाणे आम्ही काम करू, असेही पोलिसांनी डॉ. राऊत यांना सांगितले. क्लिक करा आणि वाचा- डॉ. राऊत यांना अटकेची होती कल्पना बांसगावच्या दौऱ्यावर निघालेले डॉ. नितीन राऊत यांना आपल्याला पोलिस अटक करतील याची कल्पना होती. तसे ट्विट त्यांनी अगोदर केले होते. आपण बनारस विमानतळावरून आझमगडमझील बांसगावला निघालो आहोत. या ठिकाणी दलित सरपंचाची हत्या हत्या करण्यात आली. येथे परिस्थिती गंभीर आहे, कधीही अटक होऊ शकते. आम्ही डॉ. बाबासाहेब आंबेडकर आणि राजीव गांधी यांच्या स्पप्नांची हत्या होऊ देणार नाही, असे राऊत यांनी ट्विटमध्ये लिहिले आहे.