Rajasthan Political Crisis: सचिन पायलट यांना मोठा दिलासा; राजस्थान हायकोर्टाचा 'हा' निर्णय

जयपूर: राजस्थान हायकोर्टाने (Rajasthan High Court) राजस्थान विधानसभा अध्यक्षांनी दिलेल्या नोटीशीवर सुनावणी करताना गटाला ( Camp)मोठा दिलासा दिला आहे. राजस्थान हायकोर्टाने विधानसभा अध्यक्षांविरोधात सचिन पायलट गटाने दाखल केलेली याचिका योग्य असल्याचे हायकोर्टाने म्हटले आहे. विशेष म्हणजे राजस्थान हायकोर्टाने विधानसभा अध्यक्षांनी सचिन पायलट आणि समर्थकांना बजावलेल्या नोटीशीवर स्थगिती आणली आहे. कोर्टाच्या या निर्णयामुळे आता विधानसभा अध्यक्षांना सचिन पायलट आणि त्यांच्या समर्थकांवर कोणतीही कारवाई करता येणार नाही. दरम्यान, या प्रकरणी सुनावणी सुरू राहणार आहे. (rajasthan high cort orders for status quo on speaker's notice) केंद्र सरकारलाही बनवले पक्षकार या प्रकरणावर राजस्थान हायकोर्टात सुनावणी सुरू झाल्यानंतर केंद्र सरकारला देखील या प्रकरणातील एक पक्षकार बनवण्याचा अर्ज मंजूर करण्यात आला. त्यानंतर वकील आर. डी. रस्तोगी यांनी केंद्र सरकारला याबाबतची माहिती देण्याबाबत आणि केंद्र सरकारचे म्हणणे दाखल करून घेण्याबाबत विनंती केल्यानंतर काही वेळातच हायकोर्टाने विधानसभा अध्यक्षांनी सचिन पायलट आणि समर्थकांना बजावलेल्या नोटीशीला स्थगिती दिली. हायकोर्टाचा निर्णय कायद्याच्या विरोधात- प्रतीक कासलीवाल राजस्थान विधानसभा अध्यक्षांनी सचिन पायलट आणि समर्थक आमदारांवर कोणतीही कारवाई केलेली नाही, तर त्यांना केवळ कारणे दाखवा नोटीस बजावली आहे. हा अध्यक्षांचा अधिकार आहे. या मुळे हायकोर्टाला त्यांच्या नोटीशीवर स्थगिती देण्याचा कोणताही अधिकार नसल्याचे विधानसभा अध्यक्षांचे वकील प्रतीक कासलीवाल यांनी म्हटले आहे. सुप्रीम कोर्टात आमच्या याचिकेवर सुनावणी सुरू आहे. आजच्या हायकोर्टाच्या निकालीची माहिती आपण सुप्रीम कोर्टाला देणार असल्याचे कासलीवाल म्हणाले. राजस्थान हायकोर्टात या प्रकणावर पुढील सुनावणी सुरू राहणार आहे, असेही ते म्हणाले. आता चेंडू सुप्रीम कोर्टाच्या कोर्टात दरम्यान, हायकोर्टाने विधानसबा अध्यक्षांच्या नोटीसीवर स्थगितीचा निर्णय देताना पुढील सुनावणी कधी होणार याबाबत माहिती दिलेली नाही. हे पाहता आता चेंडू सुप्रीम कोर्टाच्या कोर्टात गेला असल्याचे जाणकार म्हणत आहेत. दरम्यान, हायकोर्टाच्या या निकालामुळे सचिन पायलट हटाला तत्कालीक दिलासा मिळाला आहे. याचा अर्थ आता विधानसभा अध्यक्ष सचिन पायलट आणि समर्थकांवर कोणतीही कारवाई करू शकणार नाहीत. आता सोमवारी सुप्रीम कोर्टात काय होणार याकडे सर्वांचे लक्ष लागले आहे.