Haryana: ५ वर्षांत पोटच्या ५ मुलांची हत्या; मांत्रिकाच्या सांगण्यावरून नराधम पित्याचं कृत्य

जिंद () : हरयाणातील जिंदमध्ये एक धक्कादायक घटना उघडकीस आली आहे. मांत्रिकाच्या सांगण्यावरून नराधम पित्यानं गेल्या पाच वर्षांत आपल्या पोटच्या केली. या प्रकरणी जिंद पोलिसांनी आरोपीला अटक केली आहे. जिंद पोलिसांच्या माहितीनुसार, एका पित्यावरच आपल्या पाच मुलांची हत्या केल्याचा आरोप आहे. अलीकडेच संशयित आरोपीची ११ वर्षांची मुस्कान नावाची मुलगी आणि ७ वर्षांची निशा यांचा बुडून मृत्यू झाला होता. मात्र, त्यांची हत्या झाल्याच्या संशयावरून आणि याआधी एका मुलीची आणि दोन मुलींची हत्या केल्याच्या आरोपाखाली त्याला अटक केली आहे. एका मांत्रिकाच्या सांगण्यावरून पित्यानेच आपल्या पाच मुलांची हत्या केल्याचं बोललं जात आहे. जुम्मा (वय ३८) असं या व्यक्तीचं नाव आहे. पाच वर्षांत आपल्या पाच मुलांना गमावल्याचं तो सांगत आहे. पाच वर्षांपूर्वी त्याच्या मुलाचा मृत्यू झाला होता. त्यानंतर दोन वर्षांनी एक मुलगी खेळताना मरण पावली. काही महिन्यांनंतर एका मुलाला अचानक उलट्या होऊ लागल्या आणि त्यात त्याचा मृत्यू झाला. दोषींना शिक्षा व्हायला हवी अशी तो मागणी करत आहे. धक्कादायक बाब म्हणजे जुम्मा यानं आपल्या मुलांच्या मृत्यूनंतर विच्छेदन करू दिलं नाही. अतिरिक्त पोलीस अधीक्षक अजित सिंह शेखावत यांनी सांगितलं की, मुलं बेपत्ता झाल्याची तक्रार करण्यात आली होती. मात्र, त्यांचे मृतदेह सापडल्यानंतर संशय बळावला आणि हत्येचा गुन्हा दाखल करण्यात आला. जुम्मानेच आपल्या मुलींना विष देऊन त्यांची हत्या केली आणि त्यानंतर नाल्यात फेकून दिलं, असा संशय आहे. शेजाऱ्यांसमोर दिली हत्येची कबुली मिळालेल्या माहितीनुसार, जुम्मानेच आपल्या काही शेजाऱ्यांना हत्येबाबत सांगितलं होतं. आपल्या गुन्ह्याची कबुली देताना, पश्चाताप झाल्याचं तो म्हणाला होता. शेजाऱ्यांनी याबाबत पोलिसांना माहिती दिली. मात्र, त्यावर कोणतीही कारवाई झाली नाही. जुम्मानं त्यानंतर पुन्हा गावातील ३० ग्रामस्थांसमोर आपल्या गुन्ह्याची कबुली दिली. त्यावेळी पोलिसांना बोलावण्यात आलं. गरिबीमुळं मुलांची हत्या केल्याचं त्यानं सांगितलं. या घटनेचा तपास पोलीस करत आहेत.