international yoga day: योग साधक संकट काळात कधीच धैर्य गमावत नाही; मोदींचे प्रतिपादन

नवी दिल्ली: जो आम्हाला जोडतो आणि आमच्यातील अंतर कमी करतो तोच आहे असे वर्णन करत योगाचा साधक संकट काळाच कधीच धैर्य गमावात नाही, असे सहाव्या आंतरराष्ट्रीय योग दिनानिमित्त यांनी देशाला संबोधित करताना म्हटले आहे. कोरनाच्या या संकट काळात जगभरातील लोक My Life-My yoga व्हिडिओ ब्लॉगिंग स्पर्धेच भाग घेतल्याचे दिसत असून लोकांचा योगाच्या प्रति उत्साह वाढला असल्याचे स्पष्ट होत आहे. यंदाचा योग दिन हा घरातच साजरा होत असल्याने या मुळे कुटुंबीयातील प्रेम वाढवण्याचाही (फॅमिली बाँडिग) दिवस ठरणार आहे, असे पंतप्रधान मोदी म्हणाले. करोना विषाणूचा धोका लक्षात घेता या वेळी आंतरराष्ट्रीय योग दिनानिमित्त सरकारने कोणत्याही प्रकारचे सामूहिक आयोजन केलेले नाही. तथापि, डिजिटल पद्धतीने लोकांशी जोडले जाण्यासाठी अनेक प्रकारे तयारी करण्यात आलेली आहे. या वेळी - 'घरी योग, कुटुंबासमवेत योग' (Yoga at Home and Yoga with Family) अशी आयोजनाची थीम ठेवण्यात आली आहे. लहान मुले, युवा, मोठी माणसे, कुटुंबातील जेष्ठासोबत एकाच वेळी योगाच्या माध्यमातून जोडले जात असताना संपूर्ण घरात एका उर्जेचा संचार होत असतो, असे पंतप्रधान मोदी म्हणाले. यामुळे या वेळेचा योग दिन हा भावनात्मक योगाचा देखील दिवस आहे, आमचे कौटुंबीक प्रेम वाढवण्याचाही दिवस आहे, असे मोदी म्हणाले. करोना विषाणू हा विशेषत: आमची श्वसन यंत्रणेवर हल्ला करतो. हे पाहता प्राणायाममुळे आमची श्वसन यंत्रणेला मजबूत करण्यास मदत मिळते. तुम्हा प्राणायाम दररोज केले पाहिजे, तसेच अनुलोम-प्रतिलोमसह इतर प्राणायाम तंत्रही शिकून घेतले पाहिजे, असा सल्लाही पंतप्रधानांनी दिला. 'दृढ राहण्याचे दुसरे नाव योग' स्वामी विवेकानंदांचा उल्लेख करत पंतप्रधान नरेंद्र मोदी म्हणाले की, जो सतत एकांतात देखील क्रियाशील राहत असतो तोच आदर्श व्यक्ती आहे. ही व्यक्ती अतिशय व्यग्र काळातही देखील संपूर्ण शांतीचा आंनद मिळवतो. कोणत्याही व्यक्तीसाठी ही एक मोठी क्षमता असते आणि योग यासाठी मदत करत असतो. समत्वम योग उच्यते, अर्थात अनुकूलता-प्रतिकुलता, यश-अपयश, सुख-संकट, अशा प्रत्येक परिस्थितीत अशी व्यक्ती निश्चल राहतात आणि याचेच नाव योग आहे. गीतेतील मंत्राचा देखील केला उल्लेख पंतप्रधान नरेंद्र मोदी यांनी आपल्या भाषणाद्वारे अनेक श्लोक बोलून दाखवले. गीतेचा उल्लेख करत पंतप्रधान म्हणाले की, भगवान श्रीकृष्णाने योगाची व्याख्या केली आहे. 'योग: कर्मसु कौशलम्' अर्थात, कर्माची कुशलता हाच योग आहे, असे भगवान श्रीकृष्णाने म्हटले आहे. 'युक्त आहार विहारस्य, युक्त चेष्टस्य कर्मसु। युक्त स्वप्ना-व-बोधस्य, योगो भवति दु:खहा।।' , हा श्लोक ही त्यांनी सांगितला. अर्थात, योग्य खाणे-पिणे, योग्य प्रकारे खेळणे-बागडणे, झोपणे-जागे होण्याबाबतच्या योग्य सवयी, तसेच आपले काम, आपल्या कर्तव्य योग्य प्रकारे करणे म्हणजेच योग, असे पंतप्रधान मोदी म्हणाले.