पंतप्रधान गप्प का?, कुठे लपला आहात?, घाबरू नका, आम्ही सोबत आहोत: राहुल

नवी दिल्ली: लडाखमध्ये चीनी सैनिकांविरुद्ध झालेल्या संघर्षात २० भारतीय जवान शहीद झाल्याने संपूर्ण देशभरात संतापाचे वातावरण आहे. तर चार जवान गंभीर आहेत. सूत्रांच्या माहितीनुसार या घटनेत सुमारे ४३ चिनी सैनिकही ठार झाले आहेत. चिनी सैनिकांच्या या भयानक कृत्याचा देशभर विरोध होत आहे. काँग्रेस नेते यांनी एका ट्विटद्वारे देशासाठी आपले प्राण अर्पण करणाऱ्या जवानांना भावपूर्ण श्रद्धांजली वाहिली आहे. आपल्या ट्विटमध्ये माजी काँग्रेस अध्यक्ष राहुल गांधी लिहितात की, 'देशातील शूर शहीदांना माझा सलाम' राहुल यांनी आपल्या ट्विटसह एक व्हिडिओही शेअऱ केला आहे. दोन दिवसांपूर्वी भारताचे २० जवान शहीद झाले आहेत. कुटुंबातील छिनले. चीनने आमची जमीन हडप केली. पंतप्रधान तुम्ही गप्प का आहात? तू कुठे लपवत आहेस? बाहेर या. संपूर्ण देश, आम्ही सर्वजण तुमच्या पाठीशी उभे आहोत. बाहेर या आणि देशाला सत्य सांगा, घाबरू नका, असे राहुल गांधी यांनी या व्हिडिओत पंतप्रधान नरेंद्र मोदी यांना आवाहन केले आहे. विशेष म्हणजे सोमवारी रात्री गलवान खोऱ्यात भारत आणि चीनच्या सैन्यात हिंसक चकमक झाली. या चकमकीत भारताच्या २० जवानांचा मृत्यू झाला आहे. याखेरीज भारताच्या चार जवानांची स्थितीही गंभीर आहे. लष्कराने या वृत्ताला दुजोरा दिला आहे. त्याचवेळी या हिंसक चकमकीत चिनी सैन्यालाचीही मोठी हानी झाली आहे. या घटनेत चीनचे सुमारे ४३ सैनिक मारले गेल्याचे किंवा गंभीर जखमी झाल्याचे वृत्तही एएनआय या वृत्तसंस्थेने दिले आहे. भारत-चीन सीमेवर चिनी हेलिकॉप्टरची हालचाल देखील वाढली आहे. पुढे या: प्रियांका गांधी वड्रा राहुल गांधी यांच्यानंतर काँग्रेसच्या नेत्या प्रियांका गांधी वड्रा यांनीही पंतप्रधान नरेंद्र मोदी यांना या मुद्द्यावर आवाहन केले आहे. आमची धरती माता, आमचे सार्वभौमत्व धोक्यात आले आहे. आमचे जवान शहीद होत आहेत, असे सांगत काय आम्ही गप्प बसणार आहोत?, असा सवाल प्रियांका गांधी वड्रांनी विचारला आहे. या प्रकरणातील सत्य काय आहे, हे जाणून घेण्याचा भारतीय जनतेला हक्क आहे. कुणी आमची जमीन हडप करण्यापूर्वीच आपले प्राण अर्पण करेल अशा नेतृत्वाची भारतीय जनतेला गरज आहे असे म्हणत पंतप्रधान मोदी पुढे या, चीनचा सामना करण्याची वेळ आली आहे, असे आवाहन प्रियांका गांधी यांनी केले आहे.