करोना: विक्रमी वाढ; देशात २४ तासांत वाढले १३,५८६ रुग्ण

नवी दिल्ली: देशात गेल्या २४ तासांत करोनाच्या रुग्णांमध्ये विक्रमी वाढ नोंदवली गेली आहे. केंद्रीय आरोग्य मंत्रालयाने आज शुक्रवारी प्रसिद्ध केलेल्या आकडेवारीनुसार गेल्या २४ तासांमध्ये करोनाचे एकूण १३ हजार ५८६ नवे रुग्ण वाढले आहेत. तर गेल्या २४ तासांमध्ये एकूण ३३६ रुग्णांचा मृत्यू झाला आहे. तर देशभरातील एकूण करोनाची लागण झालेल्या रुग्णांची संख्या पोहोचली आहे ३ लाख ८० हजार ५३२ वर. देशभरात आतापर्यंत १२ हजार ५७३ करोनाबाधितांचा मृत्यू झाला आहे. यात दिलासा देणारी बाब म्हणजे गेल्या २४ तासांमध्ये १० हजार ३८६ रुग्ण बरे होऊन घरी गेले आहेत. आतापर्यंत विषाणूवर मात करणाऱ्या रुग्णांची संख्या आहे २ लाख ४ हजार ७११ इतकी आहे. सध्या देशात १ लाख ६३ हजार २४८ रुग्ण उपचार घेत आहेत. हे करोनाचे सक्रिय रुग्ण आहेत. दिल्लीत २४ तासांत २,८७७ पॉझिटीव्ह दिल्लीमध्ये गेल्या २४ तासांमध्ये ८७२६ करोना चाचण्या घेण्यात आल्या. यामध्ये २,८७७ जणांन करोनाची लागण झाल्याचे स्पष्ट झाले आहे. तर यांपैकी ६५ लोकांचा मृत्यू झाला आहे. दिल्लीत करोनाची लागण झालेल्या एकूण रुग्णांची संख्या पोहोचली आहे ४९ हजार ९७९ वर. यात २१ हजार ३१४ करोनाचे रुग्ण बरे झाले आहेत. तर एकूण १,९६९ रुग्णांचा मृत्यू झाला आहे. वाचा: महाराष्ट्रात देखील करोनाचा कहर वाढतच आहे. गेल्या २४ तासांमध्ये राज्यात करोनाचे ३,७५२ रुग्ण आढळले आहेत. तर २४ तासांमध्ये संपूर्ण महाराष्ट्रात करोनाच्या एकूण १०० रुग्णांचा मृत्यू झाला आहे. राज्यात एकूण रुग्णांची संख्या १ लाख २० हजार ५०४ वर पोहोचली आहे. तर एकूण ५,७५१ रुग्णांचा मृत्यू झाला आहे. वाचा: बिहार राज्यात करोना रुग्णांची संख्या ७,००० पार करत ७,०४० वर पोहोचली आहे. दरम्यान, करोनामुळे एकूण ४४ रुग्णांचा मृत्यू झाला आहे. तर एकूण रुग्णांपैकी ४,९६१ रुग्ण बरे झाले आहेत ही दिलासा देणारी बाब आहे. हे देखील वाचा: