बलरामाला 'दारुडा' म्हणणाऱ्या मोरारी बापूंवर भाजप नेत्याचा हल्ला

द्वारका, गुजरात : प्रसिद्ध कथावाचक यांच्यावर एका भाजप नेत्याकडून करण्यात आलेल्या हल्ल्याचा व्हिडिओ व्हायरल झालाय. मोरारी बापू (Morari Bapu) यांच्यावर भाजपचे माजी आमदार पबुभा माणेक (BJP leader Pabubha Manek) यांनी हल्ला करण्याचा प्रयत्न केला. मोरारी बापूंनी श्रीकृष्णावर केलेल्या वादग्रस्त वक्तव्यावरून माणेक यांनी हा हल्ला केला. काही दिवसांपूर्वी उत्तर प्रदेशात एका कथावाचनाच्या कार्यक्रमात मोरारी बापू यांनी श्रीकृष्णावर वादग्रस्त वक्तव्य करताना श्रीकृष्णाच्या वंशजांबद्दल आक्षेपार्ह वक्तव्य केलं होतं. तसंच श्रीकृष्णाचा भावाला - बलरामाला 'दारुडा' संबोधलं होतं. मोरारी बापू यांचा हा व्हिडिओ व्हायरल झाला होता. वाचा : वाचा : हा व्हिडिओ समोर आल्यानंतर अहीर समजाकडून त्याचा विरोध करण्यात आला. हे समजल्यानतंर मोरारी बापू यांनी आणखी एक व्हिडिओ जारी करत सोशल मीडियावरून श्रीकृष्णाच्या भक्तांची माफी मागितली होती. परंतु, भाजप नेते पबुभा माणेक यांच्या मनात मोरारी बापूंविषयी असलेला राग गुजरातच्या द्वारकेत बाहेर पडला. द्वारकेत भाजप मोरारी बापूर भाजप नेत्यांची भेट घेत होते. याच वेळी संतापलेल्या पबुभा माणेक हे मोरारी बापूंच्या अंगावर धावून गेले. यावेली खासदार पूनम मादाम यांनी त्यांना रोखून धरलं. हल्ल्याचा प्रयत्न फसल्यानंतर माणेक यांनी मोरारी बापू यांना शिवीगाळ केली. मुख्य म्हणजे, मीडियाचे कॅमेरे उपस्थित असताना माणेक यांनी हा हल्ला केला. अर्थातच, हल्ल्याचा हा व्हिडिओ कॅमेऱ्यात कैद झाला. मात्र, कथावाचकावर हल्ला करण्याचा कोणताही विचार नव्हता, असं माणेक यांनी नंतर मीडियासमोर म्हटलं. असं आक्षेपार्ह वक्तव्य केलंच कसं? आणि कुठून त्यांना या आक्षेपार्ह माहिती समजली? याचा जाब मला बापूंना विचारायचा होता... परंतु माझे हावभाव चुकीच्या पद्धतीनं घेतले गेले. मी त्यांच्याजवळ जाणार तेवढ्यात समर्थकांनी मला तिथून दूर नेलं, त्यांना मी हल्ला करणार होतो, असा गैरसमज झाला, असं स्पष्टीकरण पाबुभा माणेक यांनी दिलंय. उल्लेखनीय म्हणजे, ज्या वक्तव्यासाठी मोरारी बापूंनी सोशल मीडियावर माफी मागितली होती त्याचसंबंधी ते भाजप नेत्यांची भेट घेण्यासाठी द्वारकेत पोहचले होते. यावेळी भाजपचे अन्य नेते उपस्थित होते. वाचा : वाचा :