कोरोनिलवर पतंजलीचा यू-टर्न; नोटिशीला दिले 'हे' उत्तर

हरिद्वार: करोनिल औषधाच्या मुद्द्यावर पतंजली आयुर्वेदने आता यू-टर्न घेतला आहे. आम्ही कोणत्याही प्रकारचे करोनावरी औषध तयार केलेले नाही, असे उत्तराखंड आयुष विभागाने धाडलेल्या नोटिशीला उत्तर देताना पतंजली आयुर्वेदने स्पष्ट केले आहे. काही दिवसांपूर्वी योगगुरू आणि आचार्य बालकृष्ण यांच्या उपस्थितीत औषधाचे लॉन्चिंग करण्यात आले होते. आयुष मंत्रालयाची नोटीस मिळाल्यानंतर करोनावरील औषध बनवण्याचा दावा करणाऱ्या पतंजली आयुर्वेदने आम्ही करोनावर औषध बनवले आहे असा दावा केला नसल्याचे म्हटले आहे. आम्ही कधीही करोनावर औषध बनवल्याचा दावा केलेला नसून आम्ही बनवलेल्या औषधामुळे करोनाचे रुग्ण बरे झाले आहेत, असे आमचे म्हणणे असल्याचे पतंजली आयुर्वेदने उत्तराखंडच्या आयुष मंत्रालयाच्या नोटिशीला उत्तर देताना म्हटले आहे. गेल्या २३ जूनला पतंजली आयुर्वेने राजस्थानच्या निम्स विद्यापीठाच्या सहकार्याने करोनावर औषध तयार करण्याचा दावा केला होता. या औषधाचे नाव कोरोनिल आणि श्वासारी बटी असे ठेवण्यात आले होते. योगगुरू बाबा रामदेव, आचार्य बालकृष्ण आणि निम्स विद्यापीठाचे चेअरमनच्या उपस्थितीत हरिद्वारमध्ये कोरोनिल हे औषध लॉन्च केले होते. या औषधाची करोनाच्या रुग्णावर क्लिनिकल टेस्टही करण्यात आल्याचा दावा पत्रकार परिषदेत पतंजली आयुर्वेदने केली होती. वाचा: या नंतर आरोग्य मंत्रालयाच्या आयुष विभागाने पतंजली आयुर्वेदचा हा दावा नाकारला होता. अशा प्रकारचे औषध तयार करण्यासाठी पतंजली आयुर्वेदने आमच्याकडून परवाना घेतला नसल्याचे आयुष मंत्रालयाने म्हटले होते. तर पतंजली आयुर्वेदने आमच्याकडून रोगप्रतिकारक शक्ती वाढवणारे औषध बनवण्याचा परवाना घेतला होता, असे उत्तराखंडच्या आयुष विभागाने म्हटले होते. याबरोबरच या प्रकरणी एका आठवड्यात या प्रकरणावर उत्तर देण्याचे आदेश आयुष विभागाने पतंजली आयुर्वेदला नोटीस पाठवत दिले होते. याच नोटीशीला उत्तर देताना पतंजली आयुर्वेदने आपल्या दाव्यापासून घुमजाव केले आहे. आम्ही करोनावर औषध बनवण्याचा कोणताही दावा केलेला नसून, औषधाने करोनाचे रुग्ण बरे झाले असे उत्तर पतंजली आयु्र्वेदने दिले आहे. वाचा: वाचा: