'सोनिया म्हणजे 'नवमातोश्री' आणि राऊत म्हणजे नॉटी बॉय'

मुंबई: अभिनेत्री हिला 'हरामखोर' म्हटल्यामुळं वादात सापडलेले शिवसेनेचे खासदार यांनी त्यावर खुलासा केला आहे. मात्र, त्या खुलाशावरूनही भाजपनं त्यांना घेरलं आहे. कंगनाला 'नॉटी गर्ल' म्हणायचं होतं, असं राऊत यांनी म्हटलं होतं. त्यावरून भाजपनं त्यांच्यावर खोचक शब्दांत टीका केली आहे. मुंबई व मुंबई पोलिसांबद्दल आक्षेपार्ह वक्तव्य करणारी कंगना राणावत हिच्यावर शिवसेनेनं टीकेची झोड उठवली आहे. मुंबई पाकव्याप्त काश्मीरसारखी वाटत असेल आणि मुंबई पोलिसांची भीती वाटत असेल तर चंबूगबाळं आवरून आपल्या राज्यात निघून जा, असं संजय राऊत यांनी कंगनाला सुनावलं होतं. त्यावर राऊतांनी मला धमकी दिली. मी मुंबईत येणार, अडवून दाखवा, असं आव्हान कंगनानं दिलं होतं. त्यामुळं संतापलेल्या संजय राऊत यांनी तिच्यावर शेलक्या शब्दांत टीका केली होती. तिला 'हरामखोर' असं हिणवलं होतं. त्यावरून गदारोळ उठल्यानंतर खुलासा करताना मला कंगनाला 'नॉटी गर्ल' आणि 'बेईमान' म्हणायचं होतं असं ते म्हणाले. वाचा: संजय राऊत यांच्या या खुलाशावरून भाजपनं त्यांना घेरलं आहे. भाजपचे आमदार अतुल भातखळकर यांनी एक ट्वीट करून राऊतांसह शिवसेनेला चिमटा काढला आहे. आपल्या ट्वीटमध्ये भातखळकर म्हणतात, 'हरामखोर म्हणजे नॉटी गर्ल या धर्तीवर... ताकद म्हणजे विश्वासघात, सोनिया म्हणजे नवमातोश्री, अस्मिता म्हणजे रिया, शिवसेना म्हणजे हिंदुत्व राऊत म्हणजे नॉटी बॉय...' 'आज साक्षरता दिन आहे. मराठीत हरामखोर म्हणजे इंग्रजीत नॉटी... अशा अगाध ज्ञानाने महाराष्ट्राला साक्षर करणाऱ्या महानुभावांना साक्षरता दिनाच्या हार्दिक शुभेच्छा,' असा टोलाही भातखळकर यांनी दुसऱ्या एका ट्वीटमधून संजय राऊतांना हाणला आहे. वाचा: वाचा: