५ वर्षीय चिमुरडीचा भूक आणि तापाने मृत्यू, आठवड्यापासून नव्हते काहीही खायला

आग्रा: येथे एका ५ वर्षीय चिमुकलीचा भूक आणि तापाने मृत्यू झाल्याची घटना उघड झाली आहे. ही मुलगी बरोली अहीर तालुक्यातील नागला विधिचंद या गावची रहिवासी होती. तिचे कुटुंबीयांच्या हाताला गेल्या महिनाभरापासून काम नव्हते. तसेच गेल्या आठवडाभरापासून घरात अन्नाचा कणही नव्हता. (a as her over a week) या मुलीची आई शीला देवी सिंह (४०) या आपल्या कुटुंबाचे पालनपोषण करण्यासाठी कोणतेही काम करायला तयार आहेत. मी कुटुंबाच्या खाण्यापिण्यासाठी काहीही करू शकले नाही. माझी मुलगी दिवसेंदिवस अशक्त बनत चालली होती. तिला तीन दिवसांपासून ताप येत होता. आम्ही तिला आता गमावले आहे, असे शीला देवी यांनी सांगितले. मुलीला शुक्रवारी रात्री दफन करण्यात आले. मुलीच्या मृत्यूच्या चौकशीचे आदेश स्थानिक प्रशासनाने लॉकडाउनच्या काळात या कुटुंबाला खाद्य सुरक्षेबाबत काहीही मदत केली नाही, असे त्यांचा शेजारी हेमंत गौतम याने सांगितले. या प्रकरणाचा तपास करून नेमकी चूक कोठे घडली याची पडताळणी केली जाईल, असे जिल्हा प्रशासनाने शनिवारी सांगितले. आम्ही या प्रकरणाची दखल घेतली असून मुलीच्या मृत्यूच्या चौकशीचे आदेश दिले आहेत, असे जिल्हाधिकारी प्रभु एन. सिंह यांनी सांगितले. 'कुटुंबाने शिवविच्छेदन न करता शव दफन करायला नको होते' कुटुंबाने मुलीचे शव दफन केले. मात्र या कुटुंबाने असे करायला नको होते, असे जिल्हाधिकारी म्हणाले. शवविच्छेदनामुळे या मुलीचा मृत्यू नेमका कशामुळे झाला ते स्पष्ट झाले असते, असेही ते पुढे म्हणाले. मात्र, भुकेमुळे मृत्यू होण्याच्या स्थितीची व्याख्या स्पष्ट होणे नेहमीच गुंतागुंतीचे काम राहिलेले आहे. उपासमारीमुळे शरीराची स्थिती काय असते? उपासमारीमुळे शरीराची स्थिती काय होते याबाबत आग्रा येथील फिझिशियन आणि सामाजिक कार्यकर्ते डॉ. शरद गुप्ता यांनी माहिती दिली. उपासमारीच्या प्रकरणात शरीरात डिहायड्रेशन होते. त्यानंतर ग्लुकोजचा स्तर तीव्र गतीने घसरतो. शरीरात हायपोग्लायसेमिया (लो ब्लड शुगर) आणि हायपोवोलेमियाची (ब्लड व्हॉल्यूम घसरणे) स्थिती तयार होते. उपासमारीमुळे शरीरात इलेक्ट्रोलाइटचा तोल बिघडतो. क्लिक करा आणि वाचा- या सर्व प्रक्रियेनंतर आणि थकव्यामुळे जी व्यक्ती अनेक दिवसांपासून उपाशी आहे, अशा व्यक्तीचा कार्डियोरेस्पायरेट्री अरेस्टमुळे (हृदयविकाराच्या झटक्यामुळे) मृत्यू होतो. क्लिक करा आणि वाचा- क्लिक करा आणि वाचा-