अनंतनागमध्ये २ दहशतवादी ठार; २४ तासांत ५ दहशतवाद्यांचा खात्मा

अनंतनाग: जम्मू आणि काश्मीर राज्यातील अनंतनाग जिल्ह्यातील वाघमा भागात सुरक्षा दलांनी केलेल्या संयुक्त कारवाईत २ दहशतवादी ठार गेले आहेत. या भागात काही दहशतवादी लपले असल्याची माहिती सुरक्षा दलांना मिळाल्यानंतर सुरक्षा दलांनी या भागात शोधमोहीम हाती घेतली. ठार करण्यात आलेल्या दहशतवाद्यांपैकी एकाने सुरक्षा दलाचा जवान आणि एका मुलाला मारले होते. या पूर्वी सोमवारी सुरक्षा दले आणि जम्मू आणि काश्मीर पोलिसांच्या संयुक्त कारवाईत अनंतनागमधील खुलचोहर भागात ३ दहशतवाद्यांना ठार केले होते. त्यानंतर डोडा जिल्हा दहशतवाद मुक्त झाल्याचे घोषित करण्यात आले. ३० दिवसांमध्ये १८ चकमकी आणि ५१ दहशतवादी ठार गेल्या महिन्याभराच्या काळात जम्मू आणि काश्मीरमधील विविध भागांमध्ये सुरक्षादले आणि दहशतवाद्यांमध्ये १८ चकमकी झाल्या. यात एकूण ५१ दहशतवादी मारले गेले. १ जून या दिवशी नौशेरा भागात ३, २ जूनला पुलवाम्यातील त्राल भागात २, ३ जूनला पुलवाम्यातील कंगन भागात ३, ५ जूनला राजौरीच्या कालाकोट भागात १, ७ जूनला शोपियानच्या रेबन भागात ५, ८ जूनला शोपियानच्या पिंजोरा भागात ४, १० जूनला शोपियानच्या सुगू भागात ५, १३ जूनला कुलगामच्या निपोरा भागात २, १६ जूनला शोपियानच्या तुर्कवंगम भागात ३, १८ आणि १९ जूनला अवंतीपोरा आणि शोपियानमध्ये ८, २१ जूनला शोपियान येथे ३, २३ जूनला पुलवाम्याच्या बंदजू येथे २, २५ जूनला बारामुल्लाच्या सोपोर येथे २, २५ आणि २६ जूनला पुलवाम्याच्या त्राल येथे ३, २९ जूनला अनंतनागच्या खुलचोहर येथे ३ आणि आज ३० जूनला अनंतनागच्या वाघमा येथे २ दहशतवादी ठार झाले. या प्रमाणे एकूण महिन्याभराच्या काळात एकूण ५१ दहशतवाद्यांचा खात्मा करण्यात आला आहे. वाचा: सोमवारी अनंतनागमधील खुलचोहर येथे ३ दहशतवादी ठार होण्यापूर्वी काश्मीरमध्ये ठार करण्यात आलेल्या एका दहशतवाद्याच्या आईला रायफलसह फोटो काढणे आणि लोकांना दहशतवादी संघटनेत कथित भरती करण्याच्या आरोपाखाली अटक करण्यात आली होती. या व्यतिरिक्त पोलिसांनी कुलगाममध्ये सक्रिय असलेल्या एका दहशतवाद्याच्या बहिणीलाही दहशतवाद्यांना भरती करण्याच्या कथित सहभागामुळे अटक करण्यात आली आहे. वाचा: जम्मू आणि काश्मीर पोलिसांनी रविवारी ही माहिती दिली. दहशतवादी अब्बास शेख याची बहीण आणि ठार करण्यात आलेला दहशतवादी तौसीफ याची आई नसीमा बानो यांना २० जून या दिवशी अटक करण्यात आल्याची माहिती एका पोलिस अधिकाऱ्याने दिली. ही महिला युवकांना दहशतवादी संघटनेत भरती करण्याचे काम करत होती अशी माहिती जम्मू आणि काश्मीरचे पोलिस महानिरीक्षक विजय कुमार यांनी माहिती देताना सांगितले. ही महिला आपल्या मुलासह हत्यारे चालवत असल्याचा एक फोटोही आढळला असल्याची माहितीही एका पोलिस अधिकाऱ्याने दिली. त्यावेळी तिचा मुलगा सक्रिय दहशतवादी होता. वाचा: